Stallone ගේ තවත් අමතක නොවන සිනමා සිතුවම් කිහිපයක්...

සත් සමුදුරේ කිහිපවිටක්ම  Sylvester Stallone ගැන කතා කලබව ඔබට මතක ඇති. අද කතා කරන්නෙත් Stallone රඟපෑ චිත්‍රපටි තුනක් ගැන තමයි. මේ චිත්‍රපටි නම් මීට වසර කිහිපයකට හෝ දශකයකට පමණ පෙර තිගතවූ ඒවායි. ඒත් ඒවා තවමත් රසවිදිය හැකි හොද ක්‍රියාදාම චිත්‍රපටි කියල බය නැතුව තියන්න පුළුවන්. 

මුලින්ම බලමු 1986 දී තිරගතවූ Cobra චිත්‍රපටිය ගැන.

මෙහි Sylvester Stallon පණ පොවන්නේ Lieutenant Marion 'Cobra' Cobretti කියන පොලිස් නිලධාරියාගේ තනතුරට. මුළුමනින්ම ක්‍රියාදාම හා ත්‍රාසජනක වගේම යම් විටක භිතියද ගෙන දෙන මෙම චිත්‍රපටියත් අප කතානායකයාගේ සිනමා දිවියේ යම් සැතපුම් කනුවක් කීවත් ඔබ එකඟවේවි. ඔහු නිතර පැලද සිටි කළු පැහැ උපැස් යුවලත්, 

ටිකක් අමුතු හැඩයේ මෝටර් රථයත් චිත්‍රපටිය තවත් අපගේ මතකයට නගා ගන්න පහසුකරවනබව කිව යුතුයි. 

අප පාසල් යන අවධියේ තිරගතවු මෙම සිනමා නිර්මාණය එකල අපගේ මිතුරන් අතර කතා බහටද හොද මාතෘකාවක් වූ බව සඟවා බැහැ. 

දෙවැන්න තමයි Cliffhanger. 1993 දී තිරගතවූ මෙම චිත්‍රපටියද මුලසිටම ත්‍රාසයෙන් පිරී ඉතිරී ගිය ක්‍රියාදාම චිත්‍රපටියක් වූ අතර සාමාන්‍යයෙන් වෙනත් ක්‍රියාදාම චිත්‍රපටිවල අඩුවෙන් යොදා නොගන්නා තේමාවක් ‍ඔස්සේ කතාව ගොඩනගා ඇති බව කිව හැකියි. 

ශිතල හිම මුදුන කදු මුදුන් වල මුදල්‍ කොල්ලකා ගුවන් අනතුරකින්ද ගැලවී පලායන මැර කණ්ඩායමක බලපෑමට හසුවූ කදුමුදුන්වල අතරමංවූවන් ගලවාගැනීමේ කණ්ඩායමක ගලවාගන්නෙකුගේ චරිතය අතිවිශිෂ්ඨ ලෙස Stallon රඟපාන අයුරු මෙහිදී දැකගත හැකියි.

මෙම චිත්‍රපටිය ඔස්කාර් සම්මාන තුනක් සදහා නිර්දේශිත නාම ලැබීමට වරම්ද ලැබු අතර, ඒ හොදම ප්‍රයෝග සහ ප්‍රයෝග සංස්කරණ, හොදම දර්ශන සහ හොදම ශබ්ද පරිපාලණය යන අංශ සදහායි.

තෙවැන්න තමයි Daylight. 

මෙයත් තරමක් වෙනස් තේමාවක සිනමා සිතුවමක් වූ අතර 1996 දී තිරගතවූවා. මෙය ඔස්කාර් සම්මාන උ‍ළලේ හොදම ප්‍රයෝග සහ ප්‍රයෝග සංස්කරණ යන අංශ සදහා නිර්දේශිත නාමද ලබා ගැනීමට සමත් වූ අතර Hudson ගංඟාවේ යට පිහිටි උමංමාර්ගයක සිදුවන අනතුරක් නිසා විපතට පත්වන්නන් බේරා ගැනීමේ මෙහෙයුමක නායකත්වය Stallone දරන අයුරු සහ ඒ රංගනය වෙනුවෙන් ඔහු දක්වන කැපවීම මෙම චිත්‍රපටිව තුල දැක ගතහැකියි.

මෙම චිත්‍රපටි තුනම බොහෝවිට ඔබ බලා ඇති පැරණි ඒවා වූවත් තවමත් එදා මෙන්ම රසවිදිය හැකිබව මා මෙන්ම ඔබද පිළිගනීවි...

මීට පෙර Sylvester Stallone  ගැන කතා කල ලිපි :

හොදම නළුවෙකුගේ සවුත්තුම film කිහිපයක් 1 හා 2

රම්බෝ සිංදු කියයි...