පොත් කියවන්න කැමති අයට වගේම සමාජ විද්‍යාත්මක දේවල් හොයන අයට මෙන්න පොතක් - ජන විවිදත්වය

පොත් ගුල්ලන් ගැන සිතා අළුත් තේමාවත් ආරම්භ කරන්න සිතුනා (හැබැයි මමත් මේ කියන ‍පොත් ගුල්ලෙක් තමයි). මමනම් හිතට අල්ලන ඕනම දෙයක් කියවන කෙනෙක්. මේ දේ කියවනවා කියවනවා හෝ නොකියවනවා කියා සීමා මායිම් නම් නැහැ. ‍පසුගිය දිනක මා පුස්තකාලයෙන් අරගෙන කියවපු පොතක් තමයි. ජන විවිදත්වය කියන පොත. මේක ඇත්තටම ඊට පෙර රාවය පුවත්පතේ ලිපි ලෙස පල කරල පසුව පොතක් ලෙස සියල්ල එක් කරන ලද බව තමයි මතක හැටියට පොතේ සදහන් වෙලා තිබුනේ. මේ පොත ලියන ලද ලේඛක මහත්වරු මේ ජනකොට්ඨාශ ගැන ගවේෂනය කරල තමයි ලියල තියෙන්නේ. ඉතින් මේ පොතේ තේමාව විදියට කියන ශ්‍රී ලංකාවේ ජන කණ්ඩායම් වල සම්භව්‍ය, පරිනාමය හා වත්මන් දිවිසැරිය පිළිබද පැතිකඩක් ආකාරයටම අපේ රටේ අපි නොදන්නා ජනවර්ග ගැන මෙන්ම දන්නා ජනවර්ගවල සැඟවුන තොරතුරු රාශියක්ම මේ පොතෙන් මම නම් දැනගත්තා කියල නොසඟවාම කියන්න පුළුවන්. ඉතින් මේ නොමි‍ලයේ වෙළද ප්‍රචාරණයක් එහෙම දෙනවා කියල හිතන්න එපා. පොත හොදයි කියල හිතුන නිසා ඔබත් මේ වනතෙක් ඒ පොත කියවලා නැත්නම් හා මේ විශය ගැන කැමැත්තක් තියෙන කෙනෙක් නම් කියෙව්වට වරදක් නැහැ.

තව දෙයක් කියන්න ඕන. ඒ තමයි විවිද ආයතන වල වාර්ශික වාර්තාවල අපේ ‍රටේ මේ මේ සංවර්ධනය ඉලක්කම් වලින් පෙන්නුවට මේ වගේ පොතක් කියෙව්වා නම් තෙරේයි අපේ රටේ මිනිස්සු බොහෝමයක් තමන්ගේ ජීවිතය ගෙනියන්න ගෙනියන සටන වගේම රටේ තවමත් තියෙන් හනමිටි අදහස් නිසා ඒ මිනිස්සු කොච්චර සමාජයෙන් බැටකනවද කියන එකත් ගැන.