-->

Friday, September 30, 2011

කැමරාවෙන් පසුපස සිදුවූ ආකර්ශනීය සිදුවීම් - 1

චිත්‍රපටියක හෝ ටෙලිනාට්‍යයක හෝ අපට දැකගන්නට ලැබෙන්නේ එහි රඟපාන නළු නිලියන් පමනයි. හැබැයි ඉතින් එම නිර්මාණයකට ජීවය දෙන්නේ ඔවුන් වුනාට එය උත්පාදනය කරන්නට තව ඉතා විශාල පිරිසක් දායකවෙනවා. ‍බොහෝ බටහිර චිත්‍රපටි ඇතුලත් Original DVD වල චිත්‍රපටියට පරිභාහිරව සිදුවන අපට තිරයේ ප්‍රදර්ශනය නොකරන දේවල් ඇතැම් අවස්ථාවල දැකගැනීමට පුළුවන්.

අද තවත් ලිපියක් පලකරම්දෝ නොකරම්දෝ යන දෙගිඩි‍යාවෙන් සිටින අතරතුර මා බෙහෙවින් ප්‍රියකරන තේමාවක් වන සිනමාවට අදාල තිරයෙන් පිටුපස සිදුවීම් රැසක් ඇතුලත් සේයාරූ රාශියක් අහම්බෙන් දැක ගන්නට ලැබුනා. එහි ඇති සේයරූ ප්‍රමාණය වැඩි නිසාම මෙන්න ඒවා කොටස් දෙකකට ඔබවෙතට...

මේක නම් මොන චිත්‍රපටියෙද කියල දන්නේ නම් නැහැ.
 මතකද Star Wars චිත්‍රපටි පටන් ගන්න ඉස්සෙල්ලා විස්තර වගයක් යන්නේ. මෙන්න ඒක ගන්න හැටි.
 ආපෝ මපට් ෂෝ කරන්න වෙහෙසෙන තරම.
 මේ Night at the Museum එකේ වෙන්න ඕන.
 ම්..ම්‍‍.. මේක නම් මොකේද දන්නෑ.
 මේ ඉස්සරහින් යන හාදයත් පස්සේ එන අය වගේ ගියා නම් ඉවරයිනේ ඇදුම් ටික තෙමා ගන්නේ නැතුව.
 මේක ගැනත් දැන්නෑ.
 Evil death 2 හෝ 3.

A Nightmare on Elm Street
 මේවා ගැන හරියටම දැන්නේ නෑ හෝ මතක නැහැ.




 මේක නම් දැක්කත් බය හිතෙනවා.

 Batman - The Dark Knight වෙන්න ඕන.




The Green Mile - ‍ටොම් හෑන්ක්ස් රඟපාපු අතිශයින්ම සංවේදී චිත්‍රපටියක්. පැය දෙකකටත් වඩා වැඩියි මේකේ ධාවන කාලය.





 Pirates of Caribbean
 ‍මේක ගැනත් නොදනිමි.


තව පින්තූර ටිකක් තියෙනවා. මතක ඇතිනේ මේවගේ තිරයෙන් පිටුපස පින්තූර රැසක් Godfather The Family Album ලිපි හතරිනුත් දුටුවා..

The Godfather - “The Greatest Movie of all time” - Episode I

MS Word වේගවත් කර ගන්න ඕනෑද?

අපිට ගොඩක් වෙලාවට දකින්න හමුවෙන්නේ අපි භාවිතාකරන පාලක මෘදුකාංගය විවිදාකාරයෙන් වේගවත් කරගැනීමට අවශ්‍ය ඉඟි හෝ උපදෙස්. ඒත සමහර වෙලාවට අපි බහුලවම භාවිතා කරන Word වගේ මෘදුකාංගයත් ඉතාමත් මන්දගාමී ස්වරූපයෙන් හැසිරෙනවාදැයි කියලා හිතෙන අවස්ථාවන් නැතුවා නොවේ. ඒ වගේම එම මෘදුකාංගයේ සමහර Options අපට අවශ්‍ය ‍නොවුනත් ඒවා Default ආකාරයෙන් ක්‍රියාත්මක වෙමින් අනවශ්‍ය සම්පත් නාස්තියක් (memory, process) සිදුකරමින් අපගේ කාර්යයන් මන්දගාමී කරන බව අපට නොදැනෙන්නත් පුළුවන්. ඉතින් මේ ලිපියෙන් ප්‍රධාන වශයෙන් දැන් තිබෙන Word සංස්කරන වන 2007 හා 2010 ට අදාලව ඒවා වේගවත් කරගැනීමට යොදාගත හැකි කුඩා උපක්‍රම කිහිපයක් ඉදිරිපත් කිරීමට තමයි බලාපොරොත්තුවෙන්නේ.

Turn off Background Repagination
මේ Repagination කියන Options එක Word වල තිබෙන හැම View එකකදීම ක්‍රියා විරහිත කල නොහැකි වූවත් (ex : Page Layout or Print Preview) Draft වගේ mode එකකදී මේක disable කර ගැනීමෙන් යම් කාර්යක්‍ෂම භාවයක් ලබා ගන්න පුළුවන්. Repagination වලදී අදාල පිටුව page break, auto numbering වගේ දේවල් සකස් කර ගැනීම Draft වලදී අත්‍යාවශ්‍ය නොවුනත් අනෙක් mode වලදී එය අත්‍යවශ්‍ය වන නිසා තමයි ඒවායේදී එය disable නොවන්නේ. මෙන්න මෙහෙමයි ඒක කරන්නේ.

මුලින්ම View හිදී Draft mode එකට යන්න.

ඉන්පසුව Word Options තෝරන්න.


එහිදී Advance තෝරා General යන්න තෝරන්න. මෙහිදී Enable background repagination හි  tick ඉවත්කරන්න.

Turn off Word Add-ins
Add-ins අපිට ‍ගොඩක් මෘදුකාංගවලදී භාවිතා වෙන බව බොහෝදෙනා දන්නවා ඇති. ප්‍රධාන මෘදුකාංගය සමග පැමිනෙන හෝ පසුව එක් කර ගත හැකි, එම මෘදුකාංගයේ තවත් විවිදාංගීකරණයට යොදාගන්නා මෙම Add-ins සමහරක් එම මෘදුකාංගය සමග තියෙන බව අපි දන්නෙත් නැහැ, ඒවගේම ඒවා සියල්ලක්ම අපි කිසිදා භාවිතා නොකරනවාත් ඇති. කොහොමවුනත් පරිගණක මෘදුකාංගවල සක්‍රීය තත්වයේ තිබෙන ඕනෑම අංගයක් අප පරිගණකය භාවිතා කරන විට එහි සම්පත් භාවිතා කර අපගේ ප්‍රධාන කාර්යයට සුළුවෙන් හෝ බලපෑමක් ඇති කරනබව අමුතුවෙන් කිවයුතු නැහැ. ඉතින් එහෙනම් ස්ව්‍යංක්‍රීයව සක්‍රීය වෙලා තිබෙන එම අනවශ්‍ය කොටසුත් ඉවත් කරන්න පටන් ගමු.

මුලින්ම ඉස්සෙල්ලා වගේ Word Options තෝරන්න. ඉන්පසු එහිදී Add-ins තෝරන්න.

මෙම Add-ins කාණ්ඩ කිහිපයක් යටතේ තිබෙනවා. ඒවා Active (සක්‍රීය) සහ Inactive Application Add-ins (අක්‍රීය) කියා හදුන්වාදිය හැකි අතරම Document Related Add-ins සහ Disabled Application Add-ins වෙන්නත් පුළුවන්.

මෙම Add-ins අනවශ්‍යද කියන එක ටිකක් සොයාබලා අවධානයෙන් කල යුතු දෙයක්. ඒනිසා එම Add-ins එක මොනවගේ ක්‍රියාකාරීත්වයෙන් යුක්තද කියන එක මෙහි දැක්වෙන Type හිදී දැන ගන්නට හැකියි.

ඔබට යම් Add-ins එකක් සක්‍රීය හෝ අක්‍රීය කර ගැනීමට මෙහි දැක්වෙන Manage හරහා යෑමෙන් සිදුකරගැනීමට හැකියි.

Inspect Document දී අවශ්‍ය අංග පමණක් තෝරාගන්න.
යමක් Analyze කරන්න යද්දී පරිගණකයේ සම්පත් භාවිතාකරන එක අමුතුවෙන් කියන්න ඕනෑ නැහැ. ඉතින් මෙහිදීත් අවශ්‍ය කොටස් පමණක් ඉතිරි කරගෙන අනෙක් ඒවා අක්‍රීය කරගන්න එක තමයි කරන්නේ.

Turn off Various Word Options
Word වලදී සැහෙන්න Options ප්‍රමාණයක් භාවිතාවෙනවා. කොහොමවුනත් මෙයින් එකක් හෝ කිහිපයක් පමණක් ඉවත්කිරීමෙන් කාර්යක්‍ෂමතාවයක් නොලැබුනත් ඒවායේ එකිනෙකා අතර තිබෙන සම්බන්ධතා ඇති   Options අක්‍රීය කිරීමෙන් යම් කාර්යක්‍ෂමාතාවයක් ලබා ගැනීමට පුළුවන්. උදාහරණයක් ලෙස මේ දැක්වෙන්නේ එසේ අක්‍රීය කල හැකි Options කිහිපයක්.
ඒවගේම ඔබ Auto Shape එකක් insert කරන්න යන විට drawing canvas එකක් Screen එකට එනවා දැකලා ඇති.

මෙය භාවිතා කිරීමෙන් අපට අප ඇදීමට බලාපොරොත්තුවන සටහන කළමණාකරනය කරගැනීම පහසුවූවත් ඇතැම් අවස්ථාවල එය අපගේ කාර්යය සිතැඟි පරිදි ඉටුකරගැනීමට බාධාවක්ද නොවෙනවා නොවෙයි. ඉතින් අනවශ්‍ය අවස්ථාවල මෙය පහත දැක්වෙන ආකාරයට ඉවත්කර තබා ගන්න පුළුවන්.


ඔබ මන්දගාමී පරිගණකයක් නම් තවම භාවිතා කරන්නේ පහත දැක්වෙන Options  ඉවත් කිරීමෙන් එයට යම් සහනයක් ලබා ගැනීමට පුළුවන්. 

ඒවගේම ඔබගේ ඉංග්‍රීසි දැනුම ගැන ඔබට සෑහෙන්න විශ්වාස නම් පහත දැක්වෙන Options  ඉවත් කිරීම ඔබගේ ලිපයේ ගුණාත්මකභාවයට හානියක් නොවෙන්න පුළුවන්. නැත්නම් ඒවා සක්‍රීය තත්වයේම තබාගන්න.

ඉතින් මේ ලිපියෙන් දැක්වූයේ  උපක්‍රම ඉතා සුළු ප්‍රමාණයක්. තව බොහෝ ඇති. තව හොද උපක්‍රම ලැබුන විට ඒවාත් කියන්නම්... 

Thursday, September 29, 2011

හිපෝ ඇන්ටිලෝප්ව මරණයෙන් ගලවා ගන්නා අයුරු - Amazing friendship among Hipo and Antelope

කැලේ නීතියේදී ශක්තිවන්තයා ජයග්‍රාහකයාද වන බවයි. නැතහොත් ශක්තිය යුක්තියද වේ. එහෙත් මනුශ්‍ය සමාජය තුල සියළු දෙනාටම එකසේ යුක්තිය මිස ශක්තිවන්තයාට ප්‍රමුඛතාවයක් හිමිනොවන බව කියයි. වනාන්තරයේ සතුන් හා එයින් පිටත සිටින මිනිසුන් අතර ඇති වෙනස එය යයි බොහෝවිට අර්ථදැක්වේ. එහෙත් එය ප්‍රායෝගිකව ක්‍රියාත්මක වන්නේදැයි විමසා බැලීම ඔබට බාර කරන අතර වනන්තරයේ වැඩියෙන්ම බඩගින්නේ සිටින්නේ මාංශ භක්‍ෂකයන් බවටද සතතව විද්‍යාඥයන්ගේ මතයයි.

කිඹුලන් වැනි මිරිදිය ජලාශ වල වෙසෙන මස්කන සතුන් සෑමවිටකම පාහේ සිය ගොදුර බවට පත්කරගන්නේ තමන් සිටින ජලයට ජලය බීම සදහා හෝ අනෙක් ඉවුරට යාම සදහා බසින සතුන්ය. ලෝකයේ වනසතුන්ගේ රජදහන වන අප්‍රිකානු මහද්වීපය පුරා මේ සංසිද්ධිය ඔබ මෙම ලිපිය කියවන මොහොතේ පවා සිදුවෙමින් පවතී.

තිරිසන් සතුන් අතරදී තම වර්ගයා තුල මිතුරු සබදකම් ඇතත් වෙනත් වෙනත් වර්ග අතර එවැනි සබදකම් වර්තාවන්නේ අඩුවෙනි. නමුත් නැත්තේද නොවේ.

මෙම ලිපියේදී කිඹුලන් ඇති ජලාශයකට බසින කුර සහිත සතෙකු වන ඇන්ටිලෝපයෙකු මරණයට පාත්‍රවන්නට ඔන්න මෙන්න තබා තිබියදී එම සතා ගැන මිතුරු සිතක් පහල කර ගත් හි‍පපොටේමස් සතෙකු ඇන්ටිලෝපයා මරණයෙන් ගලවාගන්නා අයුරු පියවරෙන් පියවර බලන්න.

මෙන්න වීර හිපපොටේමස්...

දැන් ඉතින් මේ අයට අද දවසට කරන්න තියෙන ලොකුම රාජකාරිය තමයි එහි ඉවුරට යන එක.

පේනවනේ සෙනගේ තරම, මේ අය අතරට මැදිවුනොත් මොනවයින් ‍මොනව වෙයිද?

මෙන්න දැන් එහා ඉවුරට යන්න යන්නේ. සමහරු "ජම්ප්" එකකුත් දාල තමයි වතුරට පනින්නෙත්..
ඇන්‍‍ටිලෝප් : මෙන්න කවුද වතුර යටින් එනවා වගේ පේනවා. තාම හරියට කියන්න බැහැ.
කිඹුලා         :  අද නම් මරු, හොදට සප්පායම් වෙන්න පුළුවන් දවසක් වගේ. කොහොමහරි මෙතන ඉන්න පොඩි එකෙක් අල්ලගන්න ඕන. ලොකු එකෙක්වුනත් නරක නැහැ. ඒ වුනාට ඊට වඩා ලේසියි පොඩි එකෙක් අල්ලගන්න එක.



රැලෙන් එහා මෙහා වෙන ඇන්ටිලෝප් පැටවෙකු ඉලක්ක කර ගත් කිඹුලා ඔහු පසුපස ලුහුබදියි.

 
ඇන්ටිලෝප් පැටවා කොටුකරගන්නා කිඹුලා ඔහුගේ කකුලෙන් අල්ලා ගනී. ඉවුරට ගොඩවූ ඇන්ටිලෝප් මව තම පැටවා මුහුණදී ඇති දුඛිංත ඉරණම දිහා බලා සිටි.

මේ අරගලය පැය කාලක් පමණ සිදුවේ. ඇන්ටිලෝප් පැටවා තවම මිය ගොස් නැතත් අසරණයා දුර්වලවෙමින් පවතී. මේ අවස්ථාවේ ගංගාවේ අශ්වයා නැතහොත් අප්‍රිකානු මිරිදිය ජලාශවල ලොක්කා වන හිපපොටේමස් සතුන් දුසිමකට අඩු ගණනක් මේ අලකලංචිය බලාසිටින අතර එය ඔවුන්ට එතරම් හිත් ගත් දෙයක් නොවේ.

මුලින් ඔවුන් මේ වන දේ ගැන එතරම් අවධානයක් යොමු නොකරයි.

වීර හිපෝ  : මොකද කරන්නේ අන්න අරූ, අර පොඩි එකාව මරන්නයි හදන්නේ. මොකද වැඩේට බහිමුද?
හිපෝ 1 : මොනව වුනත් කිඹුලා අපේ වතුරෙම ඉන්න එකානේ. ඒත් මටත් පොඩි එකා ගැන දුකක් ඇතිවෙනවා.
 
වීර හිපෝ  : මම එහෙනම්  වැඩේට එන්ටර් වෙනවා. මට සයිඩ් එකෙන් සපෝට් එකක් දීපන්....


දැන් හිපෝ විසින් කිඹුලා හප කර පාගා දමන  වේලාවයි.

වීර හිපෝ : ගර්ර්ර්....හව්...හව්....

 කිඹුලා : *****@@@@@##### අයියෝයෝයෝ................

කිඹුලාව පරසක්වල ගසන අපේ වීර හිපෝ දුර්වල තත්වයට පත්ව සිටින පැටියා ඉවුර දෙසට තල්ලු කරයි.


දැන් මෙම වීර කතාවේ අවසානයයි.

ඇන්‍ටිලෝප් පැටියා : ස්තූතියි, හිපෝ මාමේ...

මෙම පින්තූර කෙන්යාවේ මසායි මාරා වනෝද්‍යානයේදී ගන්නා ලද ඒවා වන අතර අදාල ඡායාරූප ශිල්පියා පිළිදව තොරතුරු අපහැදිලි නිසා ඒවා මේ මොහොත් පල කිරීමට හැකිනොවූ බවද පවසමි.

2011/09/30
මේ ලිපියේ ඇන්ටිලෝප් නමින් හදුන්වා ඇති සත්වයා ඇත්තෙන්ම ඇන්ටිලෝප් නොව ඒ Wildebeest නම් සත්ව වර්ගයයි.

ඇන්ටිලෝප් ලෙස හදුන්වන්නේ මුවෙකු වැනි මේ සතාය.

කෙසේවෙතත් මුල් ලිපියේ ඇන්‍ටිලෝප් ලෙස හදුන්වා තිබූ නිසා ඒ අයුරින්ම මෙහිදීද ඇන්ටිලෝප් ලෙස හදුන්වාදීම සිදුකල අතර මීට පෙර ඇන්ටිලෝප් සතුන් දැක ඇතත් මෙම Wildebeest  පිළිබදව එතරම් දැනීමක් නොතිබූ නිසා ඒද ඇන්ටිලෝප් වර්ගයක් යයි සිතා ඇන්‍ටිලෝප් ලෙසම භාවිතා කලෙමි. මෙම සදොස් කරුණ දැනුවත් කර එය නිදොස් කිරීමට අවශ්‍ය දත්ත සැපයීම ගැන එම මිතුරන්ට ස්තූතිවන්ත වෙමි...