බ්ලොග් එක සම්බන්ධයෙන් උදව්වක් ඔබගෙන් අවශ්‍ය මො‍හොතකි මේ...

ආදරණිය සත් සමුදුර පාඨක මිතුරන් සියල්ලන්ම වෙත,

සත් සමුදුර බ්ලොග් අඩවිය දැන් කිසියම් ගැටළුවකට මුහුණපා ඇති බව ඔබට කණගාටුවෙන් වුවත් කීයන්න සිදුවෙලා. ඒකට හේතුව තමයි ජුනි 01 දා සිට බ්ලොග් එක සමහර පාඨක මිතුරන්ට බලන්නට නොහැකි බවට කිහිපදෙනෙක්ම දන්වා තිබෙනවා. ඒ ‍එක්කම මට පවා මෙහි කමෙන්ට් යොදන්නට හා පැරණි ලිපිද බැලීමට නොහැකි තත්වයක් තමයි උද්ගතවෙලා තියෙන්නේ. මෙය හැබැයි උද්ගතවුනේ බ්ලොග්ර් විසින් නව ratings icon එක හදුන්වාදුන් පසු කියලයි සිතෙන්නේ.කෙසේවෙතත් මීට පෙර ඔවුන් නඩත්තු කටයුතු සිදුකිරීමේදි අප විසින් ලියන ලද අවසන් ලිපිය ඉවත් කර නැවත එය බොහෝ දෙනෙකුට ලබා දුන්නත්, සත් සමුදුරට එම සහනය ලබා දුන්නෙත් නැහැ. ඒවගේම ඒ වන විට පැවති Template එකේ දෝශයක් දැයි සැකයෙන් එයද කිහිපවිටක්ම වෙනස් කල අතර එක් කර තිබූ Gadgets කිහිපයක්ද ඉවත් කරනු ලැබුවා.

මෙම ගැටළුව පිළිබදව blogger help වෙතද ඊයේ යොමුකරත් තවම පිළිතුරක් ලැබුනේ නැහැ.

දැන් තිබෙන්නේ විසදුම් කිහිපයක් පමණයි. 

එනම් ඔවුන්‍ වෙතින් යම් දෝශයක් සිදුවී ඇත්නම් කවදා‍ හෝ එය නිරාකරණය කරන තුර ඉවසා සිටිම. 

එසේ නැතහොත් blogger වෙතින්ම ලබා ගෙන ඇති දෙවන බ්ලොග් අඩවියේ ලිපි පල කිරීම (එය මේ වන මීට කලකට පෙර අරඹා ඇතත් එහි ලිපි කිසිවක් තවම පල කර නොමැත). 

එසේ නැතහොත් බොහෝ වෘත්තීය මට්ටමේ බ්ලොග් කරුවන්ගේ පවා ප්‍රසාදය දිනා ඇති Wordpress වෙතින් බ්ලොග් පහසුකම ලබා ගැනීම.

කරුණු මෙසේ හෙයින් සත් සමුදුරේ මෙම ගැටළු නිරාකරණය කර ගත හැකි ආකාරයක් ඔබ කවුරුන් හෝ දන්නේ නම් එය මගේ විද්‍යුත් ලිපියන වන dguruge@gmail.com වෙත එවන මෙන් ඉල්ලා සිටින අතර, එම ගැටළු සහගත තත්වය නිරාකරණය කර ගත නොහැකි වුවහොත් මේ දක්වා පවත්වාගෙන ආ සත් සමුදුර බ්ලොග් අඩවියේ පලවන අවසාන ලිපිය මෙය වනු ඇති බවට අතිශයින්ම කණගාටුවෙන් වුවද ඔබට පැවසීමට සිදුවී ඇත.

මේ ආකාරයෙන් විවිද අවාසනාවන්ත තත්වයන්ට මුහුණ දීමට සිදුවුවත් ජනවාරි 13 වන දා සිට මේ දක්වා ඔබ දුන් අනගි සහය සැමදා අගය කරන අතර යම් හෙයකින් සත් සමුදුරේ අවසන් ලිපිය මෙය වුවහොත් ඇරඹීමට බලාපොරොත්තුවන නව බ්ලොග් අඩවියටද එලෙසින්ම සහය දෙනු ඇතැයි කාරුණිකව අපේක්‍ෂාකරමි.

ස්තූතියි! 

දිනේශ් දීපාල්

සත් සමුදුර