හිනිපෙත්තටම ගිය ඉන්දියානු මුස්ලිම් ජාතිකයන්...

ඉන්දියාව, ලෝකයේ දෙවන ස්ථානයට වැඩිම ජනගහනයක් ඇති මෙන්ම ලෝකයේ වැඩිම විවිදත්වයක් තිබෙන මහා දේශයක් බව අමුතුවෙන් කිවයුතු නොවේ. සමස්ථ දකුණු ආසියාවේ හැඩගැසීමට ඉන්දියාවෙන් ලද ආභාෂය, බලපෑම, උදව් උපකාර යනාදිය අප්‍රමාණයි. ‍ලෝකයේ සිව්වැනියට විශාලතම හමුදාවටද උරුම කියන ඉන්දියාව දැන් තරමක් භූමි ප්‍රමාණය අඩුව තිබුනත් අතීතයේ පකිස්ථානය, බංගලිදේශය වැනි රටවල් පවා ඉන්දියාවේ භූමිභාගයේම කොටස් ලෙස පැවතුන  බවත් කිවයුතුයි.

අපගේ ලඟම අසල්වැසියා සේම, ලඟම මිතුරා ‍සේම අපේ රටේ සංස්කෘතිය, ජාතිය, ආගම, දේශපාලනය, සාමාජීය වටිනාකම් යනාදිය ගොඩනගා ගැනීමට ඉන්දියාව තරම් බලපෑ වෙනත් රටක් ලෝ‍කයේ කිසිදු තැනක නැති බව බය නැතිව කිව හැකියි. අපේ ර‍ටට කරදරයක් වූ විට කිහිප විටකම පළමුවෙන්ම ඉදිරිපත්වූ රට ලෙසද ඉන්දියාවට හිමි වන්නේ අද්විතීය ස්ථානයක් දැන් තරමක් සබදතා පළුදු වී හා 80 දශකයේ මුල් භාගයේ බෙදුම්වාදීන්ට ලබා දුන් සහය නිසා පළුදු වී තිබුනත් බෙදුම්වාදීන්ට මුළුමනින්ම සිය අභිමතාර්ථයන් කරා ලගා වීමට ‍නොහැකිවූයේද ඉන්දියාව අප වෙනුවෙන් පෙනී සිටි බවත් අමතක කළ නොහැකියි.

වැඩිමහළු සහෝදරයකුසේ ඇතැම් විට තරමක් "තරවටු" කරන්නටද පසුබට නොවූ ඉන්දියාව අවස්ථා දෙකකදී තමන්ගේ භාරත පුත්‍රයන් දෙදෙනෙකුගේ ජිවිතයට දැනෙන්නට අපේ රටේදී සිදුවුන සිදුවීම් දෙකකදී ක්‍රියාකළ ආකාරයත් ඉතා පරිණත හා ප්‍රශංසනීය බව විශේෂයෙන්ම මතක් කළ යුතුයි. 1987 දී අත්සන් කරනා ලද ඉන්දු-ලංකා සාම ගිවිසුම අවස්ථාවේ එවකට ඉන්දියානු අගමැති රාජිව් ගාන්ධි මහතාට පහර දීමත්,  දැනට වසර කිහිපයකට පෙර ඉන්දියානු සුපිරි නළු සහ ඉතා හොද මනුශ්‍යයකු වන ශාරුක් ඛාන් රංගන ශිල්පියාගේ ප්‍රසංගයකට අන්තවාදී ආගම්වාදීන් පිරිසක් විසින්  එල්ල කළ බෝම්බ ප්‍රහාර වලින් පසුව එම ඉලක්ක ගතවූ මිනිසුන් දෙදෙනා මෙන්ම ඉන්දියානු රජය ක්‍රියාකළ ආකාරය නැවතත් ප්‍රශංසාත්මකව මතක් කළ යුතුමය.

විවිද ජනවර්ග වලින්, ආගම් වලින් සමන්විත වූවත් ඉන්දියාවේ ආධිපත්‍ය හා බහුතර ජනසංඛ්‍යාවක් සමන්විත වන්නේ හින්දුන් ගෙනි. එය ප්‍රතිශතයක් ලෙස සමස්ථ ජනතාවගෙන් 80.5% කි. 1947 දී ඉන්දියාව සහ පකිස්ථානය ලෙස දෙකට බෙදී ගියත් ඉන්දියාව තුලද සමස්ථ ලෝක මුස්ලිම් ජනගහනයෙන් 10.9% ක ප්‍රමාණයක් ජීවත්වන අතර මුස්ලිම් නොවන රටවල ජීවත්වන මුස්ලිම් ජනතාව තෙවන ස්ථානයට වැඩියෙන්ම ජීවත්වන රටද ඉන්දියාවයි. එසේම ඉන්දියානු ජනගහනයෙන් 13.4%-14% අතර ප්‍රමාණයක් මුස්ලිම් ජනතාව බවද පැවසේ.

දැවැන්ත හින්දු ජනගහනයක් සිටියද මුස්ලිම් ජාතිකයන් අතරින්ද ඉන්දියාවේ නම රැන්දීමට සමත් කම් දැක්වූ මිනිසුන් රැසක්ද සිටිබව සහ තවමත් සිටිනා බව පැවසිය යුතුය. දේශපාලනය, කලාව, ව්‍යාපාරික ක්‍ෂෙත්‍රය මෙන්ම තවත් ක්‍ෂෙත්‍ර ගණනාවක තම නම මෙන්ම දක්‍ෂතාවයද පෙන්වූ මුස්ලිම් ජාතික භාරත පුත්‍රයන් රැසක් භාරත මාතාවට හිමි බව ඇයට ආඩම්බරයෙන් ආවර්ජනය කළ හැකිවේ. ඒ අතරන් අප දන්නා කියන කිහිප දෙනෙකු පිළිබදව සුළුවෙන් කතා කරමු.

Dr. Avul Pakir Jainulabdeen Abdul Kalam හෙවත් ඔබ අප දන්නා ආචාර්ය අබ්දුල් කලාම් මහතා භාරත පුත්‍රයකුට යා හැකි ඉහළම තැනට ගිය පුද්ගලයා ලෙස පැවසුවත් වරදක් නැහැ.

වරක් ලෝකයම හෙල්ලුම් කෑ ඉන්දියානු න්‍යෂ්ඨික ව්‍යාපාරයේ ප්‍රධාතම විද්‍යාඥයා සහ ඉන්දියානු න්‍යෂ්ඨික විද්‍යා‍වේ පියා ලෙසද විරුදාවලිය ලත් මෙම විද්වත් මිනිසා එරට ආරක්‍ෂක පර්යේෂන ආයතන‍යේ මෙන්ම ඉන්දියානු අභ්‍යවකාශ ව්‍යාපාරයේද ප්‍රධානතම කාර්යභාරයක් කළ පුද්ගලයෙක්. මෙවන් මහඟු කාර්යභාරයකින් අනතුරුව ඔහුට ලැබුනේ සමස්ථ භාරතයේ ගෞරවනීයතම තනතුරයි. ඒ ඉන්දියානු ජනාධිපති ධූරයයි. එරට 11 වන ජනාධිපතිවරයා ලෙස 2002 සිට 2007 දක්වා සේවය කළ මෙම සරළ මිනිසාට හින්දු- මුස්ලිම් ජාතිවා‍දයේ ගිනිපුපුරු සැගව සිට හිටි හැටියේම ලැව්ගින්නක් මෙන් ඇවිලෙන ඉන්දියා නම් දැවැන්ත රාජ්‍යයේ සුක්කානම අතට ගැනීමට බාධාවක් නොවීය. ඉන්දියානු රජය විසින් ලබා දෙන ඉහළම ගෞරවනීය සම්මානය වන භාරත් රත්න සම්මානයද හිමිකරගැනීමට 1997 දී කලාම් මහතා සමත්විය.

http://en.wikipedia.org/wiki/A._P._J._Abdul_Kalam

(ඉන්දියාවේ පළමුවෙන්ම ගෞරවනීය සම්මානය භාරත් රත්න වන අතර දෙවන ස්ථානය පද්ම විභූෂන් වේ. පද්ම භූෂන් සම්මානය පසු සිව්වැනිස්ථානයට ලැබෙන ගෞරවනීය සම්මානය වන්නේ පද්ම ශ්‍රී සම්මානයයි.)

http://en.wikipedia.org/wiki/Bharat_Ratna
http://en.wikipedia.org/wiki/Padma_Vibhushan
http://en.wikipedia.org/wiki/Padma_Bhushan
http://en.wikipedia.org/wiki/Padma_Shri

වසර 55 ක් වැනි කෙටි ජීවිත කාලයකට උරුම කිවුවද ඉන්දියානු සිනමාව තුළ පසුබිම් සංගීතයේ Mohammad Rafi යනු ලංකාවේ එච්.ආර්.ජෝතිපාල ගායන ශිල්පියා අත්පත් කරගත් ස්ථානය ඉන්දියාවේදී අත්පත් කරගෙන සිටි ගායන ශිල්පියා ලෙස පැවසුවත් වරදක් නැහැ.

Mohammad Rafi අපේ කාලයේ ගායකයෙකු නොවූවත් ඔහු සිය හඩ ලබා දුන් ගීත සදා වින්දනාත්මක බවෙන් යුතු බවත් කිව යුතුමයි. එසේම සිය සිනමා පසුබිම් ගායනය වෙනුවෙන් 6 වරක්ම Filmfare සම්මානය ලැබීමටද වාසනාවන්ත විය.

http://en.wikipedia.org/wiki/Mohammed_Rafi

Muhammed Yusuf Khan මේ නම ඔබට නුහුරු වූවත් ඔබ දන්නා මධුමතී චිත්‍රපටියේ ප්‍රධාන චරිතය රඟපෑ Dilip Kumar කියන නම නම් ඔබට නුහුරුවෙන්න විදියක් නැහැ. සිනමාවේදී Dilip Kumar ලෙස හැදින්වූවත් ඔහු උපතින් මුස්ලිම් ජාතිකයෙක්. ඉපදී තිබෙන්නේ දැන් පකිස්ථානයට අයත්වූවත් ඒ අවධියේ බ්‍රිතාන්‍යට අයත් ඉන්දියා‍වේ නගරයක් වන පේෂාවර් හිදීයි.

දශක 6 ක් පුරා සිය දායකත්වය ඉන්දියානු සිනමාවට ලබා දුන් සහ 1954 සිට අටවරක් Filmfare සම්මානය හොදම නළුවා ලෙස ඉන්දියානු සිනමාව වෙනුවෙන් ලබා ගත් මෙම රංගන ශිල්පියාගේ වාර්තාව සම කළ හැකිවූයේ තවත් Khan කෙනෙකුට පමණයි. ඒ මෙම ලිපියේ පසුව කතා කරන "King Khan" වන ශාරුක් ඛාන් හට පමණකි. එසේම ඉන්දියානු රජය විසින් සිවිල් වැසියකුට ලබා දෙන තෙවන ස්ථානය දරන ගෞරවනීයම සම්මානය වන "පද්ම භූෂන්" සම්මානයද හිමිකර ගැනීමට තරම් මෙම වියපත් සිනමා ශිල්පියා සමත් වූ බවද පවසමි.

http://en.wikipedia.org/wiki/Dilip_Kumar

"King Khan" හෙවත් ශාරුක් ඛාන් ගැන කතා නොකර මෙම ලිපියේ ඉදිරියට යෑම දැන්නම් කළ නොහැකියි.  ඉන්දියානු හින්දි සිනමාවේ නළුවන් අතර වසර ගණනාවක් පුරාම පළමු වැනි ස්ථානයේ වැජබෙන මෙම ප්‍රසන්න මිනිසා ආර්ථික විද්‍යාව පිළිබදව උපාධිදාරියෙකුද වනවා. ඉන්දියානු රජය විසින් පිරිනැමූ "පද්ම ශ්‍රී" සම්මානයේද හිමිකරුවෙකු ‍වන මෙම කලා ශිල්පියේ ඉන්දියාවෙන් බැහැරවද ලෝකයේ ලොකුම සිනමා තරුවක් ලෙස වර්ණ ගැන්වීමට සාමාර්ථයක් දැක්වූවෙක්.

ලංකාවේ පැවති ඔහුගේ සංදර්ශනයකදී ලංකාවට තවත් කළු පැල්ලමක් අවාසනාවන්ත ආකාරයට එක්කරමින් බෝම්බ ප්‍රහාරයට ලක්වූවත් හොද මිනිසුන් සමග දෙවියන්ද සිටිනා බව පසක් කරමින් ඔහුගේ ජීවිතයට කිසිදු අනතුරක් සිදුනොවූවත්, ඒ වෙනුවෙන් කොමිෂන් පිහිටුවා බෝම්බ ගැසූ අය සෙවීමට හෝ ඉන්දියානු රජය මෙහෙයවා ලංකාවට එරෙහිව ක්‍රියා කිරීමට කිසිදු අවස්ථාවක උත්සහ නොදැරූ මෙම මිනිසා එය ඉතා සැහැල්ලුවෙන් අමතක කිරීම සමාව දීම දේව ගතියක් බව ආදර්ශවත් ලෙස පෙන්වීමටද හැකියාව තිබූ බව අවිවාදයෙන්ම කිව යුතුය. එසේම ඉතාම මැතකදී ඇමරිකාවේ විශිෂ්ඨතම විශ්ව විද්‍යාලයක් වන හාවඩ් විශ්වවිද්‍යාලයේ ආරාධනයෙනම් එහි දේශනකට ඇමරිකාවට පා තැබූ අවස්ථාවේ පැයකට වැඩි කාලයක් ප්‍රශ්න කිරීමට ලක්වීමෙන් පසුව පවා සැහැල්ලු ලෙස එය ඉවසිලිවන්ත ලෙස විදදරා ගැනීම කෙසේ විස්තර කරන්නැදැයි නොදනිමි. ශාරුක් ඛාන් කලා කටයුතු අමතරව යුනිසෙෆ් වැනි ආයතන වෙනුවෙන් සමාජ සේවයේ නිරත වන බවත් සදහන් කළ යුතුය.

http://en.wikipedia.org/wiki/Shahrukh_Khan

Abdul Rashid Salim Salman Khan මේනම කී විට එතරම් මුලින් අවබෝද නොවූවත් නමේ අග දුටුවිට නම් මේ කියන්නේ කවුරුන්දැයි නොදන්නා අය අඩු බව රහසක් නොවේ. Salman Khan, ඉන්දියානු සිනමාවේ පමණක් නොවේ ලෝකයේ කඩවසම්ම පිරිමි අතර මුල් තැනකම සිටින නළුවෙක. දේශීය මෙන්ම විදේශීයවද ඒ බව කිහිප වරක්ම ඔප්පු වූ අතර පෞද්ගලික ජීවිතයේ අඩදබර කරගන්නා සහ යම් යම් නීතිමය ගැටළු වලටද මුහුණ දුන්නත් හොද හදවතක් ඇති මිනිසෙකු ලෙස ඔහු ගැනද කියවෙනවා.

එසේම දැන් ඔහු සිය ජීවිතයේ 4 වන දශකය පසුකරමින් සිටියත් නාඹර තරුණයන්ට පවා මෙම පුද්ගලයා අභිබවා යෑම ඉතාම අසිරුබවයි තවමත් ඔහුට ඇති ජනප්‍රියත්වයෙන් පෙනෙන්නේ. බැල්මකින් පවා බවලතුන් වසඟයට ගත හැකි අතලොස්සක් වූ පිරිස අතර Salman හට ලැබෙන්නේ මුල්ම ස්ථානයකි.

http://en.wikipedia.org/wiki/Salman_Khan

ඛාන් නම ඇති අය ගැන කතාකරන්න පටන් ගත්ත එකේ ඒ අය ගැනම කතාකරල අනිත් අය ගැන කතා කරන එක හොදයි කියල හිතුන නිසා ඉන්දියානු සිනමාවේ තවත් නම රැන්දූ ඛාන් කෙනෙකු ලෙස අමීර් ඛාන් නමත් සදහන් කළ හැකිය.

අති දක්‍ෂ රංගන ශිල්පියෙකු සේම සම්භාව්‍ය ගණයේ ලා සැලකිය හැකි සිනමා නිර්මාණ කිහිපයකම අධ්‍යක්‍ෂක වරයා වන ඔහුට ඉන්දියානු රජය විසින්  2003 දී පද්ම ශ්‍රී සම්මානය සහ 2010 දී පද්ම භූෂන් සම්මානයත් ලබාදීමට කෘත්‍යවූවා. ඔහුද රාජ්‍ය හා යුනිසෙෆ් වැනි රාජ්‍ය නොවන ආයතන කිහිපයක් වෙනුවෙන්ම සමාජ සත්කාරයෙත් නියැලෙන බව පැවසිය යුතුයි.

http://en.wikipedia.org/wiki/Aamir_Khan

ඉන්දියාවේ සිටින තවත් අපි දන්නා ඛාන් කෙනෙක් තමයි සයිෆ් අලි ඛාන්. තම ප්‍රථම සිනමා ප්‍රවේශය සාර්ථක නොවූවත් ටික කළෙකට පසුව දෙවන සිනමා ආගමනය සාර්ථකත්වයට ලඟකර ගැනීමට මෙම ඛාන් සමත්වූවා. ඔහුගේ මව සහ පියාද කීර්තිමත් ඉන්දියානුවන් බව පැවසිය යුතුයි.

සයිෆ්ගේ පියා Mansoor Ali Khan, ඔහු 1962 දී ඉන්දියානු ටෙස්ට් ක්‍රිකට් කණ්ඩායමේ නායකත්වයද දැරූ අතර එයින් ලද සාර්ථකත්වයටත් වඩා ඔහු ගැන කියවෙන්නේ බ්‍රිතාන්‍ය පාලන සමයේදී පිහිට වූ පරිපාලන ව්‍යුවහකට අනුව 1952 සිට 1971 වනතෙක් පතාවුදි පළාතේ 9 වන පාලකයාද වනවා. කෙසේවෙතත් 1971 දී ඉන්දියානු රජය කරනා ලද සංශෝදනයකින් ඉන්දියාවේ එතෙක් ක්‍රියාත්මකව පැවති එම ප්‍රාදේශීය පාලන ක්‍රමය අහෝසි වන බවත් සදහන්ය. සයිෆ් අලි ඛාන්ගේ මවත් ඉන්දියානු සිනමාවේ නමක් රැන්දූ නිළියක වන ශර්මිලා තාගෝර් හෙවත් අපට හුරුපුරුදු ආරාධනා චිත්‍රපටියේ ප්‍රධාන චරිතයට පණපෙවූ රංගනවේදිනය වනවා පමණක් නොව ශ්‍රේෂ්ඨතම භාරත පුත්‍රයකු ලෙස සැලකෙන රවින්‍ද්‍රනාත් තාගෝර්තුමාට ඥාතීත්වය ඇති මිනිපිරියකද වනවා.

http://en.wikipedia.org/wiki/Saif_Ali_Khan
http://en.wikipedia.org/wiki/Mansoor_Ali_Khan_Pataudi
http://en.wikipedia.org/wiki/Sharmila_Tagore 
http://en.wikipedia.org/wiki/Rabindranath_Tagore
http://en.wikipedia.org/wiki/Nawab_of_Pataudi

ඉන්දියානු ක්‍රිකට් ක්‍රීඩා‍වේද නමක් තැබූ ඛාන් කෙනෙකු තවමත් ක්‍රීඩා කරන බවත් කිවයුතුයි. ඔහු තමයි වරක් ඉන්දියානු ටෙස්ට් ක්‍රිකට් නායක මහේන්‍ද්‍ර සිං දෝනි විසින් පැවසූ පරිදි ඉන්දියානු පන්දුයවන්නන්ගේ බලඇණියේ "සචින් තෙන්දුල්කාර්" හෙවත් Zaheer Khan. මෙම ඉන්දියානු පන්දු යවන්නා හමුවේ "ඇඹරුනේ" නැති පිතිකරුවෙකු ලොව නොමැති තරම්.

http://en.wikipedia.org/wiki/Zaheer_Khan

ඛාන් කෙනෙකු නොවූවත් කලෙක ඉන්දියානු ක්‍රිකට් කණ්ඩායමේ සුක්කානම භාරව සිට සහ එවකට ලෝකයේ දක්‍ෂතම පිතිකරුවෙකු, පන්දු යවන්නෙකු වූ මොහොමඩ් අසාරුදීන් ගැනත් කතා නොකළොත් අඩුවක් වේවි.

පසුකලෙක අවාසනාවන්ත ලෙස අපකීර්තිමත් ලෙස ක්‍රීඩාවෙන් සමුගන්නට සිදුවුනත් අසාරුදීන් ගෙන් ඉන්දියානු ක්‍රිකට් ක්‍රීඩාවට වූ සේවය නම් අමතක කළ නොහැකි වේවි.

http://en.wikipedia.org/wiki/Mohammad_Azharuddin

හින්දි සිනමාවට ශාරුක් ඛාන්ගේ ආධිපත්‍ය කෙසේද යත් ඒ ස්ථානය දමිළ සිනමාව තුල හිමි කරගෙන සිටින්නේ ප්‍රවීන රංගන ශිල්පී කමල් හසන් විය යුතුයයි සිතමි. දමිළ බසින් කළ නිර්මාණ වලට අමතරව හින්දි හා ඉන්දියාවේ තවත් භාෂා කිහිපයකින්ම නිපැයවූ සිනමා නිර්මාණ වලට දායක වී ඇති මොහු ලබා ඇති සම්මාන ප්‍රමාණයද අතිවිශාලයි. රංගනයට අමතරව සාර්ථක සිනමා නිර්මාණ කිහිපයකම අධ්‍යක‍්‍ෂක වරයා ලෙස කටයුතු කර ඇති කමල් හසන් රඟපෑ සිනමා නිර්මාණ අතරින් නායකන්, හින්දුස්ථානි (ඉන්දියන්), චාචි වැනි සිනමා නිර්මාණ විශ්වීය වශයෙන් රසවිදිය හැකි සිනමා නිර්මාණ බව කිව යුතුය.

http://en.wikipedia.org/wiki/Kamal_Haasan
http://www.imdb.com/name/nm0352032/

මුස්ලිම් සම්භව්‍ය ඇති නිළියන් කිහිප දෙනෙකු පවා ඉන්දියානු සිනමාව තුල නමක් රන්දා ගැනුමට සමත් වූහ. ඒඅතරින් Filmfare වැනි සම්මාන මෙන්ම 1972 දී පද්ම ශ්‍රී සම්මානයත්, 2011 දී පද්ම භූෂන් සම්මානයත් හිමිකරගත් 50-60-70 සහ මෙම දශක වල පවා සිනමාවේ තම ප්‍රතිභාපූර්ණ කුශලතාවයන් විදහා දැක්වූ Waheeda Rehman නම සදහන් කළ යුතුම වේ.

http://en.wikipedia.org/wiki/Waheeda_Rehman

තවද 60-70 දශක වල රඟපෑ Saira Banu

සහ ඉන්දියානු රූපසුන්දරියක සහ 70-80 දශක වල සිනමාව ලස්සන කළ සීනාත් අම්මාන්ද සුවිශේෂය.

සයිරා බානු , දිලීප් කුමාර් රංගන ශිල්පියාගේ බිරිදද වන අතර සීනාත් අම්මාන් රඟපෑ සත්‍යයම් ශිවම් සුන්දරම් වැනි චිත්‍රපටි කැපී පෙනෙන ස්ථාන හිමිකර ගත් ඒවා විය.

http://en.wikipedia.org/wiki/Saira_Banu
http://en.wikipedia.org/wiki/Zeenat_Aman

මෑත භාගයේ ඉන්දියානු සිනමා සංගීතය පමණක් නොව අන්තර්ජාතිකව පිළිගැනෙන ඔස්කාර් සම්මානය පවා ජයගත් Allah Rakha Rahman හෙවත්  A.R. Rahman ගැනත් සදහන් නොකළොත් අඩුපාඩුවක් වේවි. උපතින් මුස්ලිම් නොවූවත් සිය තරුණ වියේදී මුස්ලිම් බවට පත්වූ ඔහු මුලින් හින්දු ජාතිකයෙක්. මුල් නම A.S. Dileep Kumar නම් වූ ඔහු පසුව Allah Rakha Rahman බවට පත්වේ. ජාතිය, ආගම කුමක් වූවත් ඉන්දියානුවකු ලෙස ඔහුගෙන් වූ සේවය ඉතා විශිෂ්ඨ වූ අතර සුප්‍රකට ටයිම් සඟරාව 2009 දී පළ කළ වාර්තාවකට අනුව ලෝකයේ මිනිසුන්ට බලපෑම් කළ හැකි මිනිසුන් අතරටද රහුමාන්ගේ නමත් කියවින.

http://en.wikipedia.org/wiki/A._R._Rahman
http://www.imdb.com/name/nm0006246/

මෙලෙස තම ආගම ජාතිය කුමක් වූවත් ඉන්දියානුවෙකු ලෙස ලෝකය පුරා නමක් රැන්දූ තවත් පුද්ගලයන් රැසක් සිටින අතර ඔවුන් සියල්ලන් ගැනම පවසන්නට ගියහොත් මෙම ලිපිය කවදා ඉවරයක් කරන්නට හැකිවේදෝයි නොදනිමි. ඒ නිසා දැන් මෙම ලිපිය අවසන් කරන අතර තම රටට සේවය කිරීමට තම ජාතිය ආගම පැහැය කුලය බාධාවක් නොවන බව මෙයම හොද උදාහරණයක් නොවේද?

මූලාශ්‍ර -
http://indiandefenceboard.com/threads/what-is-the-real-percentage-of-muslims-in-india.513/
http://en.wikipedia.org/wiki/India
http://en.wikipedia.org/wiki/Hinduism_in_India
http://en.wikipedia.org/wiki/List_of_countries_by_Muslim_population
http://www.aicmeu.org/Muslim_Population_Distribution_in_India.htm

ඇමරිකාව රනින් වර්ණවත් කළ මිනිසුන් හෙවත් නූතන ඔලිම්පික් ඉතිහාසයේ කැපී පෙනුනම ඇමරිකානු ක්‍රීඩකයන් - Remarkable American athletes in Modern Olympic History

පසුගිය දිනෙක ඔලිම්පික් ගැන ලිපියක් සත් සමුදුරේ පළ වූවා ඔබට මතක ඇති.
ඔලිම්පික් ගැන දන්නා නොදන්නා තොරතුරු - http://sathsamudura.blogspot.com/2012/07/olympic-secrets.html

මෙම ලිපියත් ඔලිම්පික් හා සම්බන්ධයි. ඒත් මෙය ලෝක මට්ටමෙන් ඔලිම්පික් ක්‍රීඩාව ගැන නොවෙයි පැවසෙන්නේ. මෙම ලිපියෙන් නූතන ඔලිම්පික් ඉතිහාසය තුළ ඇමරිකානු ක්‍රීඩා ආධිපත්‍ය තහවුරු කර ගැනීමට දායක වූ විශිෂ්ඨ ගණයේ ක්‍රීඩක ක්‍රීඩිකාවන් කිහිප දෙනෙකු ගැන තමයි කතා කරන්නේ.

ලෝකයේ ‍බොහෝ ක්‍ෂෙත්‍රවලදී ඇමරිකානු ආධිපත්‍ය තහවුරු කර ගෙන සිටිනවාසේම ‍ලෝක ක්‍රීඩා අඹරේද ඇමරිකානු ආධිපත්‍ය ගැන අමුතුවෙන් කියන්න ඕන නැහැ. පැරණි ඔලිම්පික් තරඟාවලි වලදී ග්‍රීසිය මුළුමනින්ම එම ආධිපත්‍ය තහවුරු කර ගෙන සිටියත් 1896 න් පසුව ඇරඹී අද අප දකින ඔලිම්පික් තරඟ ඉතිහාසය තුළ විටෙක ඇමරිකාවටත්, තවත් විටෙක ඔවුන්ගේ දේශපාලන ප්‍රතිවාදින් වූ සෝවියට් දේශයත් මෙම පදක්කම් සටහන තුල ඉදිරියෙන් සිට ඒ ඒ තරඟාවලි අවසන් වුවද සෝවියට දේශය බිද වැටීමත් තුල යුදමය වශයෙන් හා වෙනත් ක්‍ෂෙත්‍ර ගණනාවක් සේම ක්‍රීඩාව තුලින්ද ඇමරිකාවට සුපිරි තත්ත්වයක් හිමිවී අවසානයි.

ඒත් 2008 බීජිං ඔලිම්පික් තරඟාවලියෙන් පසුව චීනයත් ඇමරිකාවට අභියෝගාත්මක තරඟයක් ලබා දුන්නත් එය තනි අශ්වයාගේ තරඟයක් බවට පත්වීමට නම් තව තරඟාවලි ගණනාවක් අවසන් කරන්නට චීනයට සිදුවේවි. මොකද මෙහෙම කියන්නට හේතුව, මෙවර උළෙලෙත් තවම චීනය හා ඇමරිකාව අතර පදක්කම් සටහනේ පෙරමුණ ගැනීමට තරඟයක් තිබුනත් කිසිදු අභියෝගයක් නොමැතිව ආරම්භයේ පටන් මෙම ලැයිස්තුවේ ඉදිරියෙන්ම සිට හිතේ සැනසිල්ලෙන් චීනයට ජය පැන් ‍බොන දවසක් උදා කරගන්නට නම් සෑහෙන්න කාලයක් තව ගතවීමට ඉඩඇති නිසයි.

ඒ කාරණා එසේ තිබියදී අද අපි ඔලිම්පික් ඉතිහාසය තුල අමරණීය මතකයන් රැදවූ ඇමරිකානු ක්‍රීඩක ක්‍රීඩිකාවන් කිහිප දෙනෙකු ගැන විමසා බලමු.

මුලින්ම කතා කරන්නේ මයිකල් පෙල්ප්ස් නම් අද්විතීය පිහිණුම් ක්‍රීඩකයා පිළිබදවයි. මෙම 2012 ඔලිම්පික් තරඟාවලියේදිත් පිහිනුම් ඉසව්වෙන් තරඟවදින එතෙක් මෙතෙක් ඔලිම්පික් ඉතිහාසය තුළ වැඩිම පදකම්කම් සංඛ්‍යාවකට උරුමකම් කියන ක්‍රීඩකයා බවට පත්ව අවසන්. ඔහු විසින් සමස්ථ ඔලිම්පික් පදක්කම් 22 ක් ලබාගෙන තිබෙන අතර එයින් 18 ක්ම රනින්ද,  2 ක් රිදියෙන් සහ 2 ක් ලෝකඩ වශයෙන්. එසේම තනි ඉසව් එහෙමත් නැත්නම් ඔහු පමණක් තරඟ වැද ලබා ගත් පදක්කම් 13 ක්ද, වන අතර තවත් වාර්තාවක් වන්නේ වැඩිම පළමු ස්ථාන සංඛ්‍යාවක් ඔලිම්පික් තරග වලදී ලැබූ ක්‍රීඩකයා ලෙසයි.

එනම් 1972 මියුනිච් ඔලිම්පික් උළෙලේදී Mark Spitz ගේ එක් තරඟාවලියකදී ලැබූ රන් පදක්කම් 7 වාර්තාව අභිබවා යමින් 8 ක් ලබා ගැනීම මෙන්ම Spitz විසින් එම සියළු පදක්කම් ලෝක වාර්තා සමග ලබා ගැනීම සම කිරීමත් මෙහදී සිදුවෙනවා. එසේම එක් රන් පදක්කමක් ඔලිම්පික් තරඟ වාර්තාවක් සමගද ලැබීම තවත් කැපී පෙනෙන සිදුවීමක්.

දැන් දැන් ටිකෙන් ටික ඔහුගේ දස්කම් වියැකී යන බවක් පෙනෙන නිසා මෙන්ම දැන් 27 වන වියේ පසුවන ඔහු තමන් 30 වන වියේදී ක්‍රීඩාවෙන් සමුගන්න බවද පවසා තිබෙන නිසා මෙවර 2012 තරඟවාරය ඔහුගේ අවසන් ඔලිම්පික් තරඟාවලියද වන බව ඔහු විසින් පවසනු ලැබුවත් ඔහු සතු කර ගෙන තිබෙන මෙම වාර්තා නම් අභිබවා යාම ඉතාමත් අසීරුවේවි.
http://en.wikipedia.org/wiki/Michael_Phelps

මයිකල් පෙල්ප්ස් වගේම ඔලිම්පික් ක්‍රීඩා ඉතිහාසයේ සුවිශේෂ චරිතයක් තමයි Mark Andrew Spitz හෙවත්  Mark Spitz. ඔහු තමයි පේල්ප්ස්ට පෙර තනි ඔලිම්පික් උළෙලකදී රන් පදක්කම් වැඩිම සංඛ්‍යාවක් දිනා ඇති ක්‍රීඩකයා. එය සංඛ්‍යාවෙන් 7ක් ඒ එක්කම ඒ සියල්ල ඒ අවධියේ ලෝක වාර්තාවන් වීමත් සුවිශේෂයි. ඔහු විසින් තබන ලද මෙම අද්විතීය වාර්තා ගොන්න වසර 36 ක් යනතුරු නොබිදී පැවතීම තුලින්ම ඔහු ලබා දුන් අභියෝගය කොතෙක් දැයි තේරුම් ගත හැකියි.

ඒත් එම අභියෝගයද ඔහු‍ නියෝජනය කළ පිහිණුම් ඉසව්වම නියෝජනය කළ සහ තවත් ඇමරිකානුවෙකු විසින්ම බිද දැමීම තවත් අලංකාර අත්දැකීමක්.
http://en.wikipedia.org/wiki/Mark_Spitz

ඊලඟට කතා කරන්නට යන්නේ ඇමරිකානු ඔලිම්පික් ක්‍රීඩා ඉතිහාසය තුල මතක හිටින වගේම සුවිශේෂ ඔලිම්පික් උළෙලක් නියෝජනය කළ ක්‍රීඩකයෙකු පිළිබදවයි. ඔහු තමයි Jesse Owens. මේ උළෙලේ සුවිශේෂත්වය තමයි හිට්ලර්ගේ නායකත්වයෙන් යුතු නාසි ජර්මනියේ දී සියළු ජාතීන්ට වඩා ආර්ය ජාතිය උතුම් යන පටු අදහස් වලින් මෙම ජගත් ක්‍රීඩා උළෙලද ආක්‍රමණය කර තිබීමයි.

1936 බර්ලින් ඔලිම්පික් උළෙලෙදී රන් පදක්කම් 4 කට හිමිකම් කියූ මේ ක්‍රීඩකයාට ඒ වෙනුවෙන් ලැබිය යුතු ගරු බුහුමන් නම් ලැබුනේ අඩුවෙන්. එයට හේතුව තමයි ඔහුගේ මුල් වකවානුවේදී ඇමරිකාව වර්ණභේදවාදය තදින් වෙලාගත්ත කාලසමයක් වීම. බරලින් ඔලිම්පික් උළෙලේදී මෙවන් දසකම් පෑවත් ඔහුට ජර්මානු රාජ්‍ය නායකයා වූ හිට්ලර් වෙතින් පිළිගැනීමක් නොලැබුනා සේම තම රටට ආවිට සාමාන්‍යයෙන් මෙවන් සුවිශේෂ තරඟ ජයග්‍රහණ ලබා පැමිණෙන ක්‍රීඩකයන්ට ඇමරිකානු ජනපති වෙතට කැඳවා ලැබෙන ගරුසත්කාරයවත් ඔහුගේ කළුහම නිසා ලැබුන්නේ නැහැ.
The mild mannered Owens seemed not the least bit surprised by his home country's hypocrisy. "When I came back to my native country, after all the stories about Hitler, I couldn't ride in the front of the bus," he said. "I had to go to the back door. I couldn't live where I wanted. I wasn't invited to shake hands with Hitler, but I wasn't invited to the White House to shake hands with the President, either."http://www.biography.com/people/jesse-owens-9431142

කෙසේවෙතත් ඉන් වසර 40 ක් ඉක්ම ගිය තැන එනම් 1976 දී එවකට ජනපති ජෙරල්ඩ් ‍ෆෝර්ඩ් මෙම වරද නිවැරදි කරමින් ඔහුව ධවල මන්දීරයට කැදවා නිදහස්බාවයේ ජනපති පදක්කම පිරිනමා ඉතිහාසය තුළ සිදුවූ වරද නිවැරදි කරන්නට ගත් වෑයම පැසසිය යුතුයි. 
While Owens helped the U.S. triumph at the games, his return home was not met with the kind of fanfare one might expect. President Franklin D. Roosevelt failed to meet with Owens and congratulate him, as was typical for champions. It wasn't until 1976 that he was properly recognized when President Gerald Ford awarded him the Presidential Medal of Freedom.
කොහොමවුනත් මේ විශිෂ්ඨ ක්‍රීඩකයාට සිය ජීවිත ධාවන තරඟය නම් මෙම ගරුබුහුමනට ලක්වී වසර 4 ක් ගෙවනු තැන එනම් සිය දිවියේ 67 වන සැතපුම් කනුවේදී නිමකරන්නට සිදුවීම නම් කණගාටුවට කාරණයක්. මෙසේ සිය දිවිය ඔහුට අවසන් කිරීමට සිදුවන්නේ  පෙනහළු පිළිකාවක් හේතුවෙන්. එම රෝග තත්ත්වයට ආසන්න හේතුවක් ලෙස පැවසෙන්නෙත් ඔහුගේ අධික දුම්වැටි පානයයි.
http://en.wikipedia.org/wiki/Jesse_Owens

මීලඟට කියන්න යන ක්‍රීඩකයාත් ඔවන්ස් සේම කළු ජාතික ක්‍රීඩකයෙක්. ඒත් ඔහු ඔවන්ස් මෙන් අවාසනාවන්ත අත්දැකීමකට මුහුණ පාන්න තරම් අභාග්‍ය සම්පන්න වුනේ නැහැ. මෙම ක්‍රීඩකයා තමයි Carl Lewis.

ඇත්තටම අද වුනත් ඔලිම්පික් ගැන කියනකොට පසුගිය අසූව-අනූව දශක වල ඔලිම්පික් හා මළල ක්‍රීඩා ගැන දන්න කියන අයට නිරායාසයෙන්ම මතකයට නැගෙන නමත් කාර්ල් ලුවිස් කියන නම කිව්වත් වරදක් නැහැ. එසේම ඇමරිකානු තනි අශ්වයාගේ සටනක් වුන 1984 ලොස් ඇන්ජලීස් ඔලිම්පික් තරඟාවලියේදි රන් පදක්කම් 4 කට හා සමස්ථ ඔලිම්පික් තරග ඉතිහාසයේදී රන් පදක්කම් 9 කටත් රිදී පදක්කමකටත් උරුමකම්කී මෙම අඩි 6 අඟල් 3 ක් උස මෙම දේහදාරී මිනිසා පසුව චිත්‍රපටි ලෝකයේදිත් සිය සහභාගීත්වය ලබාදෙනවා. ‍

ලෝක වාර්තා සහ ඔලිම්පික් වාර්තා කිහිපයක් පවා තැබූ මෙම ක්‍රීඩකයා විසින් දුර පැනීම වෙනුවෙන් තැබූ වාර්තාව වසර 10 ක් යන තුරාවටම බිද නොවැටී පැවතීමත් ඒ අවධියේ කැපී පෙනුනා. එසේම කාර්ල් ලුවිස් කියන නම ලෝක මළල ක්‍රීඩා ඉතිහාසය තුල කොතරම් ස්ථානයක් හිමිකරගෙන තිබුනාද කියතොත් විවිද ආයතන වලින් ඔහුව සියවසේ හොදම ක්‍රීඩකයා, සියවසේ හොදම ඔලිම්පික් ක්‍රීඩකයා ලෙස පවා වර්ණවත් කරන්නට තරම් ප්‍රභල වුනා.http://en.wikipedia.org/wiki/Carl_Lewis

එදා මෙදා තුරු බිහිවූ වේගවත්ම ක්‍රීඩිකාව ගැන තමයි ඊලග විස්තරය. ඒ තමයි Griffith Joyner, Florence කියන තැනැත්තිය පිළිබදවයි. ඇය ඔලිම්පික් රන් පදක්කම් 3 කට හා රිදී පදක්කම් 2 කට හිමිකම් කියන අතර එයින් මීටර් 100 සහ 200 ලෝක වාර්තාව මේ ලිපිය ලියනා මොහොතවනවිටත් නොකැඩී පවතින්නක්.

‍එහෙත් මෙම වේගවත්ම ගැහැණියට සිය ජීවිතයත් වේගයෙන්ම අවසන් කරන්නට සිදුවීම අභාග්‍යයක් ලෝකයේ ‍"වේගවත්ම කත" යන විරුදාවලිය ලබා වසර 10 ක් ගිය තැන එනම 1998 සැප්තැම්බර් මසදී සිය දිවියේ 38 වන සැතපුම් කනුව පසුකරමින් සිටියදීම ඇයට මෙලොව හැරයන්නට සිදුවන්නේ නිදිපැදුරේදිමයි. කෙසේවෙතත් ඇයගේ මරණයට විවිද හේතු දැක්වෙන අතර ඉන් එකක් වන්නේ ඇය විසින් ලබා ගන්නා ලද විවිද ඖෂද නිසා ඇයගේ දිවි කෙටි කරගැනීමට මඟපෑදූ බව හා වෙනත් රෝග තත්ත්වයන් නිසා ඇය මිය ගිය බවයි.
http://en.wikipedia.org/wiki/Florence_Griffith-Joyner
http://www.aboutbreathing.com/articles/florence-joyner.htm

අපට එතරම් හුරු පුරුදු නමක් නොවූවත් සියවසේ හොදම ක්‍රීඩිකාව ලෙස විරුදාවලිය ලැබීමට තරම් ප්‍රභල වූ
Jackie Joyner-Kersee ගැන නොදැන සිටීමත් අඩුවක් වේවි. ඇය දුරපැනීමේ ඉසව් වලින් දස්කම් පෙන්වූ අතර 1984 සිට 1996 දක්වා කාලය තුල ඇය සහභාගී වූ ඔලිම්පික් තරඟාවලි තුලදී රන් පදක්කම් 3 ක්, රිදී පදක්කම් 1 ක් හා ලෝකඩ පදක්කම් 2 ක් ලබා ගැනීමට සමත් වන අතර ඇය මෙම පදක්කම් ලබා ගත්තේ දුර පැනීම වැනි ඉසව් වලින් වූවත් කඩුළු මතින් දිවීම, යගුලිය විසි කිරීම, හෙල්ල විසි කිරීම, උස පැනීම සහ ධාවන තරඟවලටද දස්කම් පෑ ක්‍රීඩිකාවක් වන අතර වරක් දුර පැනීමේ ලෝක වාර්තාවටද හිමිකම් කිවූ අතර තවමත් ලොව දෙවන හොදම දුර පැනීමේ තරඟ වාර්තාවද නම් වී පවතින්නේ ඇය නමින්.

අවසාන වශයෙන් පවසන්නේ මළල ක්‍රීඩා ඉසව් කිහිපයකටම දස්කම් පෑ මෙම ක්‍රීඩිකාව බාස්කට් බෝල් ක්‍රීඩාවේදීද දස්කම් පෑ ක්‍රීඩිකාවක් වීම සුවිශේෂයි.  http://en.wikipedia.org/wiki/Jackie_Joyner-Kersee

ශ්‍රී ලාංකික අපටත් අමතක කරන්න බැරි නමක් තමයි Michael Johnson.
එයට හේතුව තමයි 1996 ඇට්ලන්ටා ඔලිම්පික් උළෙලේ මීටර් 400 මූලික වටයේ තරඟයකදී අපේ රටේ මේ ඉසව්වේ එවකට ශූරයා වුන සුගත් තිලකරත්නට Michael Johnson පරාජය වීම. කොහොමවුනත් අවසානයේදී නම් මේ ඉසව්වේ රන් පදක්කමට හිමිකම් කිව්වේ නම් Michael Johnson. Michael Johnson සිය ඔලිම්පික් ක්‍රීඩා ඉතිහාසය තුලදී රන් පදක්කම් 4 කට හිමිකම් කිමේ ගෞරවය ලබා ගත් අතර මේ දක්වා පැවති ඔලිම්පික් තරඟාවලි වලදී එකම තරඟයකදී මීටර් 400 ‍මෙන්ම මීටර් 200 ද ජයගත් එකම ක්‍රීඩකයා වීමේ ගෞරවයටද හිමිකම් කියනවා. ඒ පෙර පැවසූ 1996 ඇට්ලන්ටා ඔලිම්පික් උළෙලේදීමයි.

http://en.wikipedia.org/wiki/Michael_Johnson_(sprinter)

Bob Beamon, මේ නම එතරම් හුරු පුරුදු නොවූවත් 1968 සිට 1991 තෙක් එනම් වසර 23 ක් යන තෙක් ලෝක වාර්තාවකට හිමිකම් පෑ අයෙකුගේ නමයි. ඔහු තමයි 1901 සිට කිහිපවතාවක්ම වෙනස් වෙමින් තිබුන ‍දුර පැනීමේ ලෝක වාර්තාව වසර 23 ක් යන තෙක් යලිදු වෙනස් නොවෙන සේ සටහන් කිරීමට දක්‍ෂ වූ ක්‍රීඩකයා. 1968 මැක්සිකෝ ඔලිම්පික් උළෙලේදී මෙම දස්කම් පෑවා පමණක් නොවෙයි. ඔහුගේ වාර්තාව 1991 ‍ටෝකියෝ වේ පැවති ලෝක මළල ක්‍රීඩා උළෙලේදී බිද වැටුනත් Beamon විසින් බිද හෙළු වාර්තාව සුවිශේෂයි. එයට ‍හේතුව තමයි 1901 සිට කිහිප වතාවවක්ම මෙම වාර්තාව අළුත් වූවත් ඒ සෑම විටකම තවත් සුළු දුර ප්‍රමාණයක් ඉදිරියට යාමෙන් තමයි වාර්තාව අළුත් වී ඇත්තේ. සාමාන්‍යක් ලෙස ගතහොත් සෙ.මි. 6 නැතහොත් අගල් 2 1/2 ක් පමණ වැඩිවීම තමයි සිදුවී ඇත්තේ. ඒත් මෙම ක්‍රීඩකයා එම සාමාන්‍ය ඉක්මවා යමින් කලින් වතාවට වඩා සෙ.මි. 55 ක් නැතහොත් අගල් 21 3/4 ක් දුරට ගමන් කිරීම කොහොම වෙන්න ඇත්ද‍ ඒ අනුව එම පදක්කම සහ ගෞරවය ලැබීමට ඔහු විසින් පැන්න දුර ලෙස සටහන් වන්නේ මී. 8.90 ක් නැතහොත් අඩි 29 අඟල් 2 1/2 ක්. ඒත් ඊට වසර 21 කට පස්සේ ඔහුගේ වාර්තාව බිද වැටුනත් එය සටහන් වන්නේ මී.8.95 ක් ලෙස පමණයි.

1968 ඔක්තෝබර් 18 වනදා මෙම වාර්තාව පිහිට වූයේ මෙම ඉසව්වේදී ඔහුගේ පළමු ප්‍රයත්නයේදීමයි. කොහොමවුනත් මේ සාර්ථක පිම්ම පැන්නට පස්සේ නිවේදකයා එම දුර ප්‍රමාණය මෙට්‍රික් ඒකක වලින් පැවසූවත් Beamon ට ඒ ගැන එතරම් නිනව්වක් තිබිලා නැහැ. ඒ නිසා මේ පිම්ම ගැන එතරම් හැගීමක් ඔහුට දැනිලා නැහැ. ඒත් ඔහුගේ කණ්ඩායමේ සඟයන් සහ පුහුණුකරු විසින් ඔහු ලෝක වාර්තාව  වැඩිපුර අඩි 2 කට ආසන්න වශයෙන් පැන බිද දැමුවා කියා පැවසූ විට Beamon ට කකුල් පණ නැති වෙලා, ඔළුවත් මංඤඤං වෙලා කම්පනය නිසා ටික වෙලාවක් ස්නායු පවා අඩපණ වෙලා තිබිලා තියෙනවා.

මෙම දුර පැනීමේ ඉසව්වෙන් මී. 28 ක් සහ 29 ක් දුර පැන්න ලෝකයේ පළමු වැන්නා බවටද පත්වන Beamon හට මෙම 1968 මෙන්ම බොහෝ මළල ක්‍රීඩකයන්ට වාසනාව ගෙන දුන් තරඟයක් ලෙස පවසන්නේ ඔවුන්ට කරන අගෞරවයක් ලෙස නම් නොවෙයි. මෙම වාසනාව ගැන කියනවා නම් මෙම ඔලිම්පික් තරඟය තමයි මෙතෙක් ලෝකයේ මුහුදු මට්ටමේ සිට වැඩිම උසකින් පිහිටි ස්ථානයක පැවැත්වූ බවට සටහන් වන්නේ‍. එය උසින් මීටර් 2240 ක් වූ Mexico City ඔලිම්පික් නගරයයි.. මේ නිසා සුලඟේ ප්‍රතිරෝදය අවම වූ නිසා දුර පනින්නන්ට වැඩි දුරක් පැනීමට වගේම ධාවන තරඟවල යෙදෙන්නන්ටත් වැඩි වේගයෙන් ධාවනයේ යෙදීමේ හැකියාව ලැබී තිබෙනවා.

ඒ ‍වගේම මෙම සුවිශේෂ අවස්ථාව වන අඩි 29 කට එහා දුරක් ඔහු පැන්නත් ඉන් අනතුරුව ඔහුගේ ක්‍රීඩා දිවිය තුල කිසිදා අඩි 26 අඟල් 11 3/4 කට එහා නොපැන්න බවත් පැවසෙනවා. කොහොමවුනත් තවමත් ලෝකයේ දෙවනියට හොදම දුර පැනීම වාර්තාවන්නේ Bob Beamon නමින්.
In making his record jump, Beamon enjoyed a number of advantageous environmental factors.[8] At an altitude of 2240 m, Mexico City's air had less resistance than air would have at sea level. This allows runners to run faster and jumpers to jump farther. In addition to Beamon's record, world records were broken in most of the sprinting and jumping events at the 1968 Olympic Games. Beamon also benefited from a tail wind of 2 meters per second on his jump, the maximum allowable for record purposes. It has been estimated that the tail wind and altitude may have improved Beamon's long jump distance by 31 cm (12.2 in.).[8] During the same hour Lee Evans set the world record for 400 metres that lasted for almost 20 years.

After winning the gold medal in Mexico City, he never again jumped over 8.22 m (26 ft. 11 3/4 in.).
http://en.wikipedia.org/wiki/Bob_Beamon
http://en.wikipedia.org/wiki/Mike_Powell_%28athlete%29


Al Oerter කියන්නෙත් සුවිශේෂ ක්‍රීකයෙක්. එයට හේතුව තමයි ඔලිම්පික් උළෙලවල් 4 කදී නොකඩවා කවපෙත්ත විසිකිරීම හෝ කිසියම් තරඟ ඉසව්වකින් එක දිගට රන් පදක්කම ලබා ගැනීමට සමත්වූ ක්‍රීඩකයා වීම.

ඔහු 1956 සිට 1968 දක්වා පැවති ඔලිම්පික් තරඟාවලි තුලදී මෙම දස්කම පෙන්වා තිබෙන අතර ඔහුගේ වාර්තාව පසුව සමකරන්නට සමත් වන්නේ මෙම ලිපියේ මුලින්ද පැවසූ තවත් සුවිශේෂ ඇමරිකානුවෙකු වන කාල් ලුවිස් විසින් දුර පැනීමේ රන් පදක්කම 1984 සිට 1996 දක්වා තමන් සතු කර ගැනීම තුලින්.

http://en.wikipedia.org/wiki/Al_Oerter

Wilma Glodean Rudolph කියන නාමය අමරණීය ඔලිම්පික් ක්‍රීඩිකාවක් පිළිබදව සේම ලෝකයේ විසූ තවත් දිරිය මිනිසුන් ගැන කතා කිරීමේදී කියවෙන නමක්. මේ ක්‍රීඩිකාවගේ සුවිශේෂත්වය තමයි ඇය තමයි පළමු ඇමරිකානු ක්‍රීඩිකාව ඔලිම්පික් තරඟයකදී ජවන හා පිටිය ඉසව් වලින් රන් පදක්කම් ලබා ගන්නට සමත් වන. ඒ 1960 රෝම ඔලිම්පික් උළෙලේදී මී. 100, 200 හා 100 x 4 ඉදව් වලින්. එසේම ඊට ප්‍රථම පැවැත්වූ 1956 මෙල්බෝර්න් ඔලිම්පික් උළෙලේදී මී‍. 100 x 4 තරඟයේදී ලෝකඩ පදක්කම ලබාගැනුමටත් ඇය සහ එම තරඟයේ අනෙකුත් ක්‍රීඩිකාවන් සමත්වෙනවා.

Wilma Rudolph ගැන පවසන්නට ඇත්තේ එමපමණක්ද. නැහැ, ඇය ලෝකයේ වැඩිම අවධානය යොමුවන තරඟාවලියේ වැඩිම අවධානය යොමුවන ක්‍රීඩා ඉසව් ත්‍රිත්වයේ ජයකෙහෙළි නැංවූවත් එයට ප්‍රමුඛවම දායක වන පා යුවලින් වම් පාදය වයස අවුරුදු 4 වන තැනදී පෝලියෝ රෝගයට ගොදුරු වෙනවා. ඇයගේ මව දිරිය කතක් නිසා ඇය මේ රෝගයෙන් ගලයා ගැනීමට සමත් වෙතත් ඇවිදීමේදී ආධාරක උපකරණ භාවිතා කිරීමට වයස අවුරුදු 9 වන තෙක් ඇයට සිදුවෙනවා. කෙසේවෙතත් ඇයගේ මවගේ අධිශ්ඨානය ජයගන්නේ ඇය විසින් පවසා සිටි පරිදි "මගේ දුව කවදා හරි මේ ආධාරක නැතුව ඇවිදිනවාමයි" යන්න සනාථ කරමින්. කෙසේවෙතත් ඇයගේ ළමා විය මේ රෝගයට අමතරව පැපොල සහ විවිද උණ රෝගවලට ගොදුරුවීම ඇයට අපහසුවක් ගෙන දුන්නත් එයින් ඇයගේ ඉදිරි ගමන වලක්වන්නට හේතුවන්නේ නැහැ.

ඇයගේ වැඩිමහළු සොහොයුරිය බාස්කට් බෝල ක්‍රීඩිකාවක් නිසා Wilma ද ක්‍රීඩාව සදහා යොමුවීමට හේතුවක් වූ අතරම උසස් විද්‍යාලයේදී ඇයද මුලින් ක්‍රීඩා කළේ මෙම ක්‍රීඩාවයි. ඒත් පසුව මළල ක්‍රීඩාවට යොමුවූ ඇය තමන් අතින් ලෝක වාර්තා පවා බිහිවේ යයි නොසිතන්නට ඇති. 1960 රෝම ඔලිම්පික් උළෙලේදී මී. 100 තරඟයේදී රන් පදක්කමට හිමිකම් කියන්නේ ලෝක වාර්තාවද සමගයි. එහිදී ඇය ඊට ප්‍රථම 1956 සිට ක්‍රීඩිකාවන් කිහිපදෙනෙකු විසින්ම අත්පත් කරගෙන තිබූ තප්.11.65 කින් මෙම ඉසව්ව නිමා කිරීමේ වාර්තාව තප්.11.41 කින් නිමා කිරීමෙන් බිද දමන අතර නැවත වරක් බටහිර ජර්මනියේ 1961 පැවැත්වූ තරඟයකදීද ඇයගේම වාර්තාව නැවත වරක් සම කිරීමටද සමත්වනවා. එසේම 1960 වසරේ ඇමරිකාවේ පැවැත්වූ තරඟයකදී එවකට පැවති මී. 200 ලෝක වාර්තාවද සම කිරීමට සමත්වීම තුලින් මේ ක්‍රීඩිකාවගේ ධෛර්යය හා ශක්තිය කෙබදුදැයි සිතා ගැනිමට පුළුවන්ද?

ඇය කාන්තා නිදහස සහ සිවිල් අයිතීන් වෙනුවෙන්පෙරමුණේම සිට ක්‍රියා කළ තැනැත්තියක්ද වූවාය.

1960 ඔලිම්පික් උළෙලේදී දැක්වූ අතිවිශිෂ්ඨ දස්කම් වලින් ඉක්බිතිව "The Tornado," the fastest woman on earth.^[3] The Italians nicknamed her La Gazzella Negra ("The Black Gazelle"); to the French she was La Perle Noire ("The Black Pearl") ලෙස විරුදාවලි රැසකින් නම් කළ ඇයට දිවියේ ආරම්භයේ සිටම හිසරදයක්ව තිබූ ලෙඩරෝග නැවත වරක් ඉස්මතු වෙන්නට පටන් ගත්තා. 1994 නොවැම්බර් 12 වන දා මෙම දිරිය කාන්තාව මෙලොව හැරයන්නේ මොළයේ හටගත් පිළිකාවක් හේතුවෙන්. එවිට 54 වන වියෙහි පසුවූ ඇයගේ ආදර්මත් දිවිය තවත් සෑහෙන්න කාලයක් මිනිසුන් අතර මත‍කයේ රැදෙනු නොඅනුමානයි.
http://en.wikipedia.org/wiki/Wilma_Rudolph

මේ දැක්වුනේ ඇමරිකාව වෙනුවෙන් සුවිශේෂ දක්‍ෂතා දැක්වූ ක්‍රීඩක ක්‍රීඩිකාවන් කිහිප දෙනෙකු පමණයි. මීට වඩා ‍බොහෝදෙනෙකු සිටිනවා මෙවන් දසක්ම පෑ. දැන් චීනය ඇමරිකානු ක්‍රීඩා ආධිපත්‍යයට දැවැන්ත අභියෝගයක් එල්ල කළත් දිගුකලක් නම රැදවිය හැකි මෙවන් දැවැන්ත පෞරශයන් බිහිකිරීමට නම් ඔවුන්ට අපහසුවේවි.

මූලාශ්‍ර- http://www.americasbestonline.com/index.php/pages/greatestolympicathletes.html

 

"Float like a Butterfly, Sting like a Bee" - 2nd Round

The Rumble in the Jungle

මෙම තරඟය සයරේ රාජ්‍යයේ (දැන් මෙම රට හදුන්වනු ලබන්නේ කොංගෝ ප්‍රජාතන්ත්‍රවාදී ජනරජය ලෙසයි) කින්සාශා අගනුවරදී පැවැත්වීමට අලි හා Formen යන දෙදෙනාම එකඟවූ අතර මුළු ලෝකයේම අවධානය දිනාගත් මෙම තරඟය හැදින්වූයේ “The Rumble in the Jungle” ලෙසයි.

මුලින් මෙම තරඟය 1974 සැප්තැම්බර් මස පැවැත්වීමට කටයුතු සම්පාදනය වූවත් පුහුණවන අතර වාරයකදී Formen ගේ දකුණු ඇසට ඉහලින් සිදුවූ තුවාලයක් නිසා එම වසරේ ඔක්තෝබර් 29 වන දා දක්වා කල් දමන ලදි. මෙම තත්වය අලීට යම් පමණකට වාසිදායක වූ අතර ඔහුට කින්සාශා නුවරදී වැඩිදුරටත් පුහුණුවීම් කටයුතුවල යෙදීමටත්, එරට මිතුරන් රැසක් ඇති කර ගැනීමටත්, මාධ්‍ය සාකච්ඡා සහ රැස්වීම් වලදී Formen ට එරෙහිව වහසිබස් ආදිය පැවසීමේ අවස්තාවද උදාවිය. මේ තත්වය අලීට තම විශ්වාසනීයත්වය වැඩිදියුණුකර ගැනීමට රුකුලක් වූවත් බොහෝදෙනෙක් සිතුවේ අලීගේ කාලය දැන් අවසන් සහ තරුණ  Formen ඉදිරියේ අලීගේ පරාජය නිසැකයි ලෙසයි.

තරඟය ඇරඹුනි. ජයග්‍රහණයේ පහස විද සිටි Formen ගේ දැඩි ප්‍රහාරයන් අලීට විදදරා ගැනීමට මුල් වටවලදී සිදුවිය. එහෙත් තරඟය තවදුරටත් ඇදී යද්දී Formen විඩාපත්වන්නට විය. එනමුදු අලී මේ වන විට තම දැඩි මුශ්ටි ප්‍රහාර මාලාව සහ නියමිත ස්ථාන වල ස්ථානගතවෙමින් උපක්‍රමශීලීව ක්‍රීඩා කල නිසා තරඟයේ 8 වන වටයේදී Formen knockout කර දැමීමට හැකිවිය. 

ඒ සමගම දෙවන වරටත් ලෝක හෙවිවේට් කිරුල තමන් සතුකර ගැනීමේ ගෞරවය අත්පත් කරගැනීමට අලීට වාසනාව ලැබින. 

මේ තරඟය ලෝ වැසි ජනතාව කෙතරම් අමන්නානන්දයට පත් කරාද කිවහොත් ඊට දශක දෙකකට පමන පසු එනම් 1996 දී මේ පීළිබදව නිපදවූ වාර්තාමය චිත්‍රපටියක්ද එලිදැක්වින. එය When We Were Kings ලෙස නම් කෙරුනි.

The Thrilla in Manila

මෙයින් පසු ප්‍රතිවාදීන් තිදෙනෙකුගේ අභියෝග හමුවේ නොසැලී තම ලෝක හෙවිවේට් කිරුල රැක ගත් අලී 1975 දී නැවතත් Joe Frazier සමග තරග වැදීමට එකග විය. ඒ 1975 ඔක්තෝබර් මස දී පිලිපීන‍යේ මැනීලා නුවරදීය. එක සමාන දක්‍ෂයන් දෙදෙනෙකුගේ මතක සිටින සටනක් වූ මෙය, 28000 ක් වූ බොක්සිං ලෝලීන් සහ මිලියන 700 ක් වූ රූපවාහිනී ප්‍රේක්‍ෂකයන් ඉදිරියේ තම ශ්‍රේෂඨත්වය නැවතත් තහවුරු කර ගනිමින් දිනා ගැනීමට මොහොමඩ් අලි සමත්විය. මෙම ද්වන්ද සටන හැදින්වූයේ “The Thrilla in Manila” ලෙසයි. 

තරඟයේ ජයාග්‍රාහකයා හෝ පරාජිතයා කවුරුවූවත් මෙම තරගය නිසා මෙම ක්‍රිඩකයන් දෙදෙනාම ලෝක ක්‍රීඩා ඉතිහාසයේ අතිදක්‍ෂයන් දෙදෙනෙක් ලෙස නොමැකෙන සලකුනක් තැබීමට හේතුවිය.

ANOTHER TITLE AND RETIREMENT

ඉන්පසු 1976 සිට 1978 දක්වා වාර හයකදී සිය කිරුල රැක ගැන්මට අලීට හැකිවිය. නමුත් 1978 පෙබරවාරි මාසය නම් මොහොමඩ් අලීට සුභ ‍මාසයක් නොවීය. ඇමරිකාවේ ලස්වේගාස් හි නෙවාඩා දී පැවති තරඟයේදී සිය හෙවිවේට් කිරුල අත්හැරීමට අලීට සිදුවිය. ඒ Leon Spinks හමුවේ පරාජය වීම නිසයි. 

කෙසේ නමුත් මෙම දෙදෙනා නැවත තරඟයක් 1978 සැප්තැම්බර් මස New Orleans හි Louisiana දී පැවැත්විය. එ‍හිදී නම් සිය අනසක ‍බොක්සිං වලල්ල තුල මනාව ප්‍රදර්ශනය කරමින් නැවතත් ‍ලෝක හෙවිවේට් කිරුල තමන් සතු කර ගැනීමට අලී සමත්විය. 

මෙයින් පසු 1979 දී මොහොමඩ් අලි බොක්සිං වලල්ලෙන් සමුගත්තත් 1980 දී ඒ සමුගැන්ම අවලංගුකරමින් නැවතත් ‍බොක්සිං අත් ආවරණ පැලද Larry Holmes හට අභියෝග කරමින් බොක්සිං වලල්ට පිවිසියේය.  නමුත් වාසනාව මොහොමඩ් අලි වෙතින් පලා ගොසිනි. ඔහු Holmes හට පරාජය වූ අතර ඉන් පසු 1981 දී Trevor Berbick හමුවේද පරාජයේ අමිහිර වේදනාව විද ගැනීමට අලීට සිදුවිය. ‍එසේම මේනිසා යම් ගෞරවයක් සමග සමුගැන්මට තිබූ අවස්ථාවද අලීට අහිමිවිය.

කෙසේ නමුත් මොහොමඩ් අලී ක්‍රීඩා ක්‍ෂෙත්‍රයේ අත්පත් කරගත් කීර්තිය සුළුපටු නොවේ. ඔහු ක්‍රීඩාවෙන් සමුගත්තද ඔහු ලොව කොතනට ගියත් ලැබුන සහ වර්තමානයේද ලැබෙන ගරු බුහුමන් ඒ බවට සාක්‍ෂි දරයි. ඔහු වෘත්තීමය බොක්සිං ක්‍රීඩාවෙන් සමුගන්නා විට ජයග්‍රහණ 56 ක් ලබා තිබූ අතර එයින් 37 ක්ම ප්‍රතිවාදියා knockout කර ලබාගත් ඒවා වන අතර පරාජිතයකු වී සිටියේ 5 වරක් පමණි.

ක්‍රීඩාවෙන් අනතුරුවද සිය දායකත්වය වෙනස් අංශකරාද ලබා දුන් අතර නොයෙක් ප්‍රන්‍යායතන වල කටයුතු සහ ලොව විවිද තැන් වල සිදුකෙරුන මානුෂීය කටයුතුවලදීද සිය සහය ලබාදීමට පසුබට නොවීය. එසේම 1996 ඇමරිකාවේ ඇට්ලන්ටාහි පැවති ඔලිම්පික් පහන දැල්වීමේ ගරුත්වයද ඔහුට හිමිවිය.

තවදුරටත් ගරු කිරීමක් ලෙස විසිවන සියවස අවසන බොහෝ මාධ්‍ය ඔහුව අපේ කාලයේ හමුවන ‍ශ්‍රේෂ්ඨ සහ බලසම්පන්නම ක්‍රීඩකයෙකුලෙස නම් කලේය.

නමුත් කණගාටුදායක කරුනක්ද කිවයුතුව තිබේ බොක්සිං වැනි නිරතුරු හිසට තද පහරවල් එල්ල වන ක්‍රීඩාවක නිරතවූ නිසා 1984 දී පලමුවරට මොහොමඩ් අලීට පාකින්සන් රෝග ලක්‍ෂන පහල විය. ඒ සමගම ශරීරයේ වෙව්ලන සුළු ස්වභාවය,  කතාකීරීමේදී ඇතිවන අපහසුතා, මුහුනේ ඉරියව්වල පාලනය කර ගත කර නොහැකි තත්වයන් සහ වෙනත් ස්නායුගත රෝගී තත්වයන්ට මේ සමග මුහුන දීමට මොහොමඩ් අලීට සිදුවිය. එහෙත් එයින් කලකිරීමට පත් නොවූ අලී සිය ධනය මෙම රෝගය තුරන් කිරීමට අවශ්‍ය පර්යේෂනවලට ලබාදීමටද නොමසුරුවිය.

කෙසේ වෙතත් මොහොමඩ් අලීට නැවත බොක්සිං වලල්ලට පිවිසිය නොහැකි වූවත් ඒ අඩුව පුරවමින් ඔහුගේ දියණියක වන Laila Aliද, අනූව දශකයේදී වෘත්තීමය බොක්සිං ක්‍රීඩායට පිවිසි අතර, ඇයද සිය පියා මෙන්ම සිය නම ඉදිරියේ ජයග්‍රහණ රැසක් සනිටුහන් කරගැනීමේ වාසනාව උදාකරගෙන ඇත.

අවසානයේ තවත් කරුණක් කිවයුතුය එනම් තමන් දිනාගත් ඔලිම්පික් රන් පදක්කම ඔහියෝ ගංඟාවට විසිකර දැමූ අතර ඒ සුදු ජාතිකයන්ට පමණක් වෙන්වූ බෝජනාගාර සහ සුදු ජාතිකයන්ගෙන් කළු ජාතිකයන්ට සිදුවන මදිපුංචි කමට විරෝධයක් ලෙසයි. කෙසේ නමුත් 1996 ඇට්ලන්ටා ඔලිම්පික් උලෙලේ බාස්කට් බෝල් තරඟයක් අතරතුර මේ පදක්කම වෙනුවට වෙනත් රන් පදක්කමක් ඔලිම්පික් කමිටුව විසින් අලීට ප්‍රධානය කරන ලදි.

අමතර කතා :

ඇත්තටම කියනවනම් විසිවන සියවසේ සිටි අද්විතීය මිනිසෙක් ලෙස මොහොමඩ් අලීව හදුන්වන්නට පුළුවන්. මොහු රඟපාන තවත් චිත්‍රපටියක් ඇති අතර එය හැදින්වූයේ The Greatest නමින්. එසේම Sylvester Stallon ගේ Rocky චිත්‍රපටි මාලටවත් අලීගේ සහ ඔහුගේ සමකාලීන ක්‍රීඩකයන්ගේ දීප්තිය හේතුවූවා නිසැකයි. එසේම ඔබට මතක ඇති මීට පෙර සටහන් කල Sylvester Stallon  සම්බන්ද සටහනකදී ඔහුගේ Rocky IV වන Rocky Balboa දී සදහන් කලා ;

"එසේම සමහරවිට Stallone ට මේක හදන්න හි‍තෙන්න ඇත්තේ, මට මතකයි 1994 වසරේදී පමණ පැරණි Heavy Weight බොක්සිං ශූරයෙකු (ඔහුගේ නම නම් මතක නැහැ) ලෝක Heavy Weightශූරතාවයක් දිනා ගැනීම. ඔහු ඒ වන විට වයස හතලිස්විය පවා ඉක්මවා ගිය අයෙක් මෙම හේතුවත් Rocky VI නිපැදවීමට බලපාන්න ඇත්දැයි සැකයක් මතුවෙනවා."  -  මෙන්න මේ කියන ක්‍රීඩකයා George Foreman විය යුතුයි.

තව දෙයක් තමයි ඔබට මතකද Taschen සඟරාව The Godfather චිත්‍රපටි ත්‍රිත්වය පදනම් කරගෙන නිර්මාණය කරපු The Godfather Family Album ගැන කතා කලා. ඔන්න දැන් Muhammad Ali ‍ගේ ක්‍රීඩා දි‍වයේ විවිද අවස්ථා සහ බොක්සිං වලල්ලෙන් පිටත සිදුවීම්ද අඩංගු ඡායාරූප සහ ඒහා සබැදුන විස්තර රැගත් Album එකක් තියෙනවා. මේකෙ නම තමයි "Greatest of all time - Tribute to Muhammad Ali" .

මේ ඡායාරූප අරගෙන තියෙන්නේ  Howard Bingham කියන ඡායාරූපශිල්පියා විසින්. මේ Album එකේ මිල නම් අධිකයි. ඒත් ඔන්න ඒකේ පින්තූර රාශියක් ඔබට දැන් බලන්න අවස්ථාව දෙ‍මින් මෙම සටහන අවසන් කරනවා.

Muhammad Ali is one of the most remarkable personalities of our time and the greatest sportsman ever to walk the earth. To honor this living legend, TASCHEN has created a work that is epic in scale and as unique and vibrant as the man himself. A worthy tribute to his life should reflect the scale of his achievements, and GOAT – GREATEST OF ALL TIME is fully up to that task: